وقابلتها

وقابلتها وعينيّا قالت إن حبٍّك جوه قلبي منتهاش
سبقت ايديّا فوق خدودها بوست إيدها عينها قالت لا بلاش
بصت وقالت قصتنا راحت وانكتب بينا الفراق اللي اتولد بينا وعاش

يااااه يا دنيا عمّاله تحكي ازاي زمان عن بعض تهنا
وإزاي عليهم قلبي هان وإزاي لأحلامنا القديمه سيبنا
خلاص يا دنيا دا راح زمنهم ونسينا إنّا مع بعض عشنا

زمن الي كانوا زمان حُبٍّنا زمن إني أدي بدون تفكير
أيوه كان ما بينا قصه وانكتب السطر الأخير
انكتب وفي عيني دمعه هربت عشان حبي اللي كان في يوم كبير

حلمت كتير

كتير حلمت إن إيديٍّ ماسكه الدنيا
ياريتني ما أصحي الاقي الدنيا يا دوبك ثانيه
ثانيه أعيشها وفجأه أروح وأرجع معني

نفسي بجد إني أدوب في بحر حياه

نفسي أدب زي ما أحب أهرب أرجع هنا من تاني ولا يوم يقولوا عليا دا تاه

نفسي اشوف الدنيا ديه وااااسعه نفسي اخد اللي اتمناه

نفسي أكون مستني حقيقه ومتطلعش سراب مأساه

نفسي حد يقولّي اجابه ليه الحب ساب معناه

ليه لمّا اديلك نفسي تاكل لحمي ترمي في عضمي وترجع عايط وكله يغني علي ليلاه

مش بطلب جنّي يقول شبيك يطلع ينزل يغرف يحدف جوه في حجري ..مش دا أبدا بستناه

عاوز أكون نفسي وبس..عاوز أكون مع نفسي وبس ..عاوز أكون وأنا وياها
تبقي الدنيا جو متاهه

عاوز أكون وأنا وياها أنسي الكل وابقي معاها

كتير حلمت إن إيديٍّ ماسكه الدنيا
ياريتني ما أصحي الاقي الدنيا يا دوبك ثانيه
ثانيه أعيشها وفجأه أروح وأرجع معني
نفسي بجد إني أدوب في بحر حياه